Monday 18 March 2013

Pareeksha Mitra of Hassan - Article in Prajavani Shikshana 18 March 2013

ಇಲ್ಲಿದ್ದಾನೆ ಪರೀಕ್ಷಾ ಮಿತ್ರ
ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಅತಿ ಹೆಚ್ಚು ಅಂಕ ಗಳಿಸುವ ಹಂಬಲ ಹಲವರಿಗಿದ್ದರೆ, ಕನಿಷ್ಠ ಅಂಕಗಳನ್ನಾದರೂ ತೆಗೆದುಕೊಂಡು ಪಾಸಾದರೆ ಸಾಕು ಎನ್ನುವ ಕೆಲವರಾದರೂ ಇದ್ದಾರೆ. ಗ್ರಾಮೀಣ ಪ್ರದೇಶಗಳ ವಿದ್ಯಾರ್ಥಿಗಳು, ಕೂಲಿ ಮಾಡಿಕೊಂಡೇ ಓದಲಿಕ್ಕೆ ಬರುವ ಕಷ್ಟಜೀವಿಗಳು `ಹೇಗಾದರೂ ಸರಿ ಎಸ್ಸೆಸ್ಸೆಲ್ಸಿ ಮುಗಿಸಿಕೊಂಡರೆ ಮುಂದೆ ಏನಾದರೂ ಮಾಡಬಹುದು' ಎಂದು ಕನಸು ಕಾಣುತ್ತಿರುತ್ತಾರೆ. ಇಂತಹವರ ನೆರವಿಗಾಗಿ ಸಾರ್ವಜನಿಕ ಶಿಕ್ಷಣ ಇಲಾಖೆಯ ಹಾಸನ ಘಟಕವು ವಿವಿಧ ವಿಷಯಗಳ ಶಿಕ್ಷಕರ ಕ್ಲಬ್‌ಗಳು ಮತ್ತು ಮುಖ್ಯೋಪಾಧ್ಯಾಯರ ಸಂಘದ ಸಹಕಾರದೊಂದಿಗೆ `ಪರೀಕ್ಷಾ ಮಿತ್ರ' ಹೆಸರಿನ ಪ್ರಶ್ನೆ ಕೋಠಿಗಳನ್ನು ಹೊರತಂದಿದೆ.
ಪರೀಕ್ಷೆಗೆ ನಿಗದಿಪಡಿಸಿರುವ ನೀಲಿ ನಕ್ಷೆ ಆಧಾರದಲ್ಲಿ ಎಸ್ಸೆಸ್ಸೆಲ್ಸಿಯ ಆರು ವಿಷಯಗಳಲ್ಲಿ `ಪರೀಕ್ಷಾ ಮಿತ್ರ' ಪ್ರಶ್ನೆ ಕೋಠಿಗಳನ್ನು ಮತ್ತು ಆರು ಮಾದರಿ ಪ್ರಶ್ನೆ ಪತ್ರಿಕೆಗಳನ್ನು ತಯಾರಿಸಿ ಶಾಲೆಗಳಿಗೆ ನೀಡಲಾಗಿದೆ. ಅವುಗಳನ್ನು ಸಾರ್ವಜನಿಕರು ಮತ್ತು ವಿದ್ಯಾರ್ಥಿಗಳ ಉಪಯೋಗಕ್ಕಾಗಿ ಅಂತರ್ಜಾಲದಿಂದಲೂ ಪಡೆದುಕೊಳ್ಳುವಂತೆ ಬ್ಲಾಗ್‌ಗಳಲ್ಲಿ ಅಳವಡಿಸಲಾಗಿದೆ. ಆಸಕ್ತರು ಮೇಲಿನ ವಿಳಾಸದ ಬ್ಲಾಗ್‌ಗಳಿಂದ ಪರೀಕ್ಷಾ ಮಿತ್ರ ಕೈಪಿಡಿಗಳನ್ನು, ಪ್ರಶ್ನೆಪತ್ರಿಕೆ ಮತ್ತು ಮಾದರಿ ಉತ್ತರ ಪತ್ರಿಕೆಗಳನ್ನು, ವರ್ಕ್‌ಬುಕ್‌ಗಳನ್ನು ಉಚಿತವಾಗಿ ಡೌನ್‌ಲೋಡ್ ಮಾಡಿಕೊಳ್ಳಬಹುದು.
-ಬಿ.ಎಂ. Bedre Manjunath
Pareeksha Mitra of Hassan - Article in Prajavani Shikshana 18 March 2013