Monday 22 November, 2010

Sahayog Programme in First Grade Colleges - Article in Prajavani - Shikshana - 22 Nov. 2010


Sahayog Programme in First Grade Colleges
Article in Prajavani - Shikshana - 22 Nov. 2010

ಪ್ರಜಾವಾಣಿ » ಶಿಕ್ಷಣ ಪುರವಣಿ



ಉದ್ಯೋಗ ಮಾರುಕಟ್ಟೆಗೆ ಸಹಕಾರಿ ಈ‘ಸಹಯೋಗ್’

ಸುಧಾ ಆರ್. ಹೊಳಲ್ಕೆರೆ



‘ಸಹಯೋಗ್’ ಕಾರ್ಯಕ್ರಮದನ್ವಯ ಕಲೆ, ವಾಣಿಜ್ಯ, ವಿಜ್ಞಾನ ಮೊದಲಾದ ವಿಷಯಗಳಲ್ಲಿ ಕಲಿಯುತ್ತಿರುವ ಅಂತಿಮ ವರ್ಷದ ಪದವಿ ಓದುತ್ತಿರುವ ಪ್ರತಿಯೊಬ್ಬ ವಿದ್ಯಾರ್ಥಿಗೂ ಕನಿಷ್ಠ 40 ಗಂಟೆಗಳ ಜೀವನ ಕೌಶಲಗಳು ಮತ್ತು 80 ಗಂಟೆಗಳ ವೃತ್ತಿ ಕೌಶಲ ವೃದ್ಧಿಯ ತರಬೇತಿ ನೀಡಬೇಕಿದೆ.



ಪ ದವಿ ವಿದ್ಯಾರ್ಥಿಗಳಲ್ಲಿ ಸಂವಹನ ಕೌಶಲಗಳು ಮತ್ತು ವೃತ್ತಿ ಕೌಶಲಗಳ ಕೊರತೆ ಇದೆ. ಪದವೀಧರರಲ್ಲಿಯೂ ಶೇಕಡಾ 75ರಷ್ಟು ಮಂದಿಗೆ ಜೀವನ ಕೌಶಲಗಳನ್ನು ಉಪಯೋಗಿಸುವುದು ತಿಳಿದಿಲ್ಲ. ತಿಳಿಸಿಕೊಡುವ ಪ್ರಯತ್ನ ಮಾಡಬೇಕು ಎಂದು ರಾಷ್ಟ್ರಪತಿಗಳಾಗಿದ್ದ ಡಾ. ಎ.ಪಿ.ಜೆ. ಅಬ್ದುಲ್ ಕಲಾಂ ಅವರು ಬೆಂಗಳೂರು ವಿಶ್ವವಿದ್ಯಾಲಯದ ಘಟಿಕೋತ್ಸವದಲ್ಲಿ ಹೇಳಿದ್ದರು.  ಇದೇ ಮಾತನ್ನು ಇನ್‌ಫೋಸಿಸ್ ಮುಖ್ಯಸ್ಥರಾಗಿದ್ದ ನಾರಾಯಣಮೂರ್ತಿಯವರೂ ಪುನರುಚ್ಚರಿಸಿದ್ದರು.

ಇತ್ತೀಚೆಗೆ ಕನ್ನಡ ವಿಜ್ಞಾನ ಪರಿಷತ್ತು ನಡೆಸಿದ ವಿಜ್ಞಾನ ಮತ್ತು ತಂತ್ರಜ್ಞಾನ ಕ್ಷೇತ್ರದಲ್ಲಿನ ಸಾಧಕರಿಗೆ ಪ್ರಶಸ್ತಿ ವಿತರಿಸುವ ಸಂದರ್ಭದಲ್ಲಿ ಸಂಸದ ಜನಾರ್ದನ ಸ್ವಾಮಿಯವರು ಭಾರತೀಯರ ಸಾಧನೆಗಳನ್ನು ಉಲ್ಲೇಖಿಸುತ್ತಲೇ ಕಲಿಯುವಲ್ಲಿ, ಕಲಿಸುವಲ್ಲಿ ಹಿಂದೆ ಬೀಳುತ್ತಿರುವ ಬಗ್ಗೆ ಆತಂಕ ವ್ಯಕ್ತಪಡಿಸಿದ್ದಾರೆ.

 ಹಲವು ವರ್ಷಗಳ ಕಾಲ ಅಮೆರಿಕೆಯ ಸನ್ ಮೈಕ್ರೊಸಿಸ್ಟಂಸ್‌ನಲ್ಲಿ ಹಿರಿಯ ಹುದ್ದೆಯಲ್ಲಿದ್ದು ಅನೇಕ ಪೇಟೆಂಟ್‌ಗಳನ್ನು ಪಡೆದಿರುವ ಈ ಎಂಜಿನಿಯರ್ ಈಗ ಸಂಸತ್ ಸದಸ್ಯರಾಗಿದ್ದು ದೇಶದ ಉನ್ನತ ತಾಂತ್ರಿಕ ವಿದ್ಯಾಲಯಗಳ ಮಂಡಳಿಗಳಲ್ಲಿ ಸದಸ್ಯರಾಗಿದ್ದಾರೆ.  ಅವರದೇ ಮಾತುಗಳನ್ನು ಪುನರುಚ್ಚರಿಸುವುದಾದರೆ, ಅಮೆರಿಕೆಯಲ್ಲಿ ಎಂಜಿನಿಯರಿಂಗ್ ವಿದ್ಯಾರ್ಥಿ ಕೋರ್ಸು ಮುಗಿಸುವುದರೊಳಗೇ ಶೇ 95 ರಷ್ಟನ್ನು ಕಲಿತು ಉಳಿದ ಶೇ 5 ರಷ್ಟನ್ನು ವೃತ್ತಿ ಕ್ಷೇತ್ರದಲ್ಲಿ ತೊಡಗಿಕೊಂಡನಂತರ ಕಲಿಯುತ್ತಾರೆ.  ಭಾರತದಲ್ಲಿ ಆ ಪ್ರಮಾಣ ಹಿಂದುಮುಂದಾಗಿದ್ದು ಕಾಲೇಜುಗಳಲ್ಲಿ ಕೇವಲ ಶೇ 5 ರಷ್ಟನ್ನು ಕಲಿತು ಮುಂದೆ ವೃತ್ತಿಕ್ಷೇತ್ರದಲ್ಲಿ ಶೇ 95 ರಷ್ಟನ್ನು ಕಲಿಯುವ ಪರಿಸ್ಥಿತಿ ಇದೆ.  ಈ ಪರಿಸ್ಥಿತಿ ಕೇವಲ ಎಂಜಿನಿಯರಿಂಗ್ ಕಾಲೇಜುಗಳಲ್ಲಿ ಮಾತ್ರ ಇಲ್ಲ.

ಶಿಕ್ಷಣ ಕಾಲೇಜುಗಳು, ಪದವಿ ಕಾಲೇಜುಗಳಲ್ಲಿಯೂ ಅದೇ ಹಾಡು. ಇದನ್ನು ನಿವಾರಿಸಲಿಕ್ಕಾಗಿ ಕಾಲೇಜು ಶಿಕ್ಷಣ ಇಲಾಖೆ ವಿಶೇಷ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ.  ‘ಹೊಸಹೆಜ್ಜೆ’ ಎಂಬ ವಿನೂತನ ಕಾರ್ಯಕ್ರಮವೂ ಆರಂಭಗೊಂಡಿದ್ದು ಆಪ್ತಮಿತ್ರ, ಸಹಯೋಗ್, ಅದಾಲತ್, ಮಾನವತೆ, ಸಂಪರ್ಕ ಮತ್ತು ಆಂಗ್ಲ ಎಂಬ ವಿಶೇಷ ತರಬೇತಿ ನೀಡುವ ಯೋಜನೆಗಳನ್ನು ಹಮ್ಮಿಕೊಳ್ಳಲಾಗಿದೆ.

ಜಾಗತಿಕ ಉದ್ಯೋಗ ಮಾರುಕಟ್ಟೆಯ ಅಗತ್ಯಗಳಿಗೆ ತಕ್ಕ ಕೌಶಲ ವೃದ್ಧಿಸುವ ಅವಕಾಶ ಒದಗಿಸಿದೆ. ಸಹಯೋಗ್ ಕಾರ್ಯಕ್ರಮ ಕರ್ನಾಟಕ ಜ್ಞಾನ ಆಯೋಗದ ಶಿಫಾರಸಿನ ಮೇರೆಗೆ ಕಾಲೇಜು ಶಿಕ್ಷಣ ನಿರ್ದೇಶನಾಲಯವು ಕರ್ನಾಟಕ ವೃತ್ತಿ ತರಬೇತಿ ಮತ್ತು ಕೌಶಲ್ಯ ಅಭಿವೃದ್ಧಿ ನಿಗಮ, ರಾಜ್ಯದ ಕೌಶಲ್ಯ ಆಯೋಗ, ಮತ್ತು ಉದ್ಯೋಗ ಹಾಗೂ ತರಬೇತಿ ಇಲಾಖೆ ಇವುಗಳ ಸಹಯೋಗದೊಂದಿಗೆ ಎರಡು ವರ್ಷಗಳಿಂದ ‘ಸಹಯೋಗ್’ ಕಾರ್ಯಕ್ರಮವನ್ನು ಹಮ್ಮಿಕೊಂಡು ಬರುತ್ತಿದ್ದು  2009-10ರಲ್ಲಿ 121 ಪ್ರಥಮದರ್ಜೆ ಕಾಲೇಜುಗಳನ್ನು, 2010-11ರಲ್ಲಿ 82 ಕಾಲೇಜುಗಳನ್ನು ಇದರ ವ್ಯಾಪ್ತಿಗೆ ಒಳಪಡಿಸಿದ್ದು ಬರುವ ವರ್ಷಗಳಲ್ಲಿ ಇನ್ನುಳಿದ ಕಾಲೇಜುಗಳನ್ನು ಈ ಕಾರ್ಯಕ್ರಮದಡಿ ಸೇರಿಸಿಕೊಳ್ಳಲು ಯೋಜನೆ ತಯಾರಿಸಿದೆ.

ಸಹಯೋಗ್ ಕಾರ್ಯಕ್ರಮದನ್ವಯ ಕಲೆ, ವಾಣಿಜ್ಯ, ವಿಜ್ಞಾನ ಮೊದಲಾದ ವಿಷಯಗಳಲ್ಲಿ ಕಲಿಯುತ್ತಿರುವ ಅಂತಿಮ ವರ್ಷದ ಪದವಿ ಓದುತ್ತಿರುವ ಪ್ರತಿಯೊಬ್ಬ ವಿದ್ಯಾರ್ಥಿಗೂ ಕನಿಷ್ಠ 40 ಗಂಟೆಗಳ ಜೀವನ ಕೌಶಲಗಳು ಮತ್ತು 80 ಗಂಟೆಗಳ ವೃತ್ತಿ ಕೌಶಲ ವೃದ್ಧಿಯ ತರಬೇತಿ ನೀಡಬೇಕಿದೆ. (ಜೀವನ ಕೌಶಲ+ ವೃತ್ತಿ ತರಬೇತಿ = ಉದ್ಯೋಗ ಸಾಮರ್ಥ್ಯ ಮತ್ತು ಉದ್ಯೋಗ.) ಹೀಗೆ ತರಬೇತಿ ಪಡೆದ ವಿದ್ಯಾರ್ಥಿಗಳಿಗಾಗಿ ಉದ್ಯೋಗ ಮೇಳಗಳನ್ನು ಆಯೋಜಿಸಿ ಉದ್ಯೋಗ ದೊರಕಿಸಿಕೊಳ್ಳಲು ಸಹಕರಿಸಬೇಕಿದೆ.

ಈಗಾಗಲೇ ಅನೇಕ ಕಾಲೇಜುಗಳಲ್ಲಿ ಈ ಕಾರ್ಯಕ್ರಮ ಅತ್ಯಂತ ಯಶಸ್ವಿಯಾಗಿದ್ದು ಹಲವಾರು ಜನರಿಗೆ ಉದ್ಯೋಗ ದೊರೆತಿದೆ.  ಒಟ್ಟು 52 ವಿವಿಧ ಮಾಡ್ಯುಲರ್ ಎಂಪ್ಲಾಯಬಲ್ ಸ್ಕಿಲ್ (ಎಂ.ಇ.ಎಸ್.) ಪಟ್ಟಿಯನ್ನು ಕೇಂದ್ರದ ಉದ್ಯೋಗ ಮತ್ತು ತರಬೇತಿ ಇಲಾಖೆ ಸಿದ್ಧಪಡಿಸಿದ್ದು, www.dget.nic.in/mes/index.htm ಈ ಜಾಲತಾಣದಿಂದ ಹೆಚ್ಚಿನ ವಿವರ ಪಡೆಯಬಹುದು.

ಪ್ರಸ್ತುತ ಮಾರುಕಟ್ಟೆಯ ಬೇಡಿಕೆಗನುಗುಣವಾಗಿ ಕೌಶಲ ಕೊರತೆಯಿರುವ ಅಭ್ಯರ್ಥಿಗಳಿಗೆ ಕೌಶಲ ವೃದ್ಧಿಗೊಳಿಸಿ, ಉದ್ಯೋಗಾವಕಾಶ ಕಲ್ಪಿಸಿ, ಸ್ವ-ಉದ್ಯೋಗ ಮಾಡುವವರಿಗೆ ಅಗತ್ಯ ನೆರವು ನೀಡಿ, ಉದ್ಯೋಗ ಮೇಳಗಳನ್ನು ಹಮ್ಮಿಕೊಂಡು ಉದ್ಯೋಗಾಕಾಂಕ್ಷಿಗಳು ಮತ್ತು ಉದ್ದಿಮೆದಾರರನ್ನು ಒಂದೇ ವೇದಿಕೆಯಲ್ಲಿ ಸೇರಿಸುವ ಯಶಸ್ವೀ ಪ್ರಯತ್ನವಾಗಿ ರಾಜ್ಯ ಸರ್ಕಾರ ‘ಕೌಶಲ್ಯಸಿರಿ’ ಕಾರ್ಯಕ್ರಮ ಹಮ್ಮಿಕೊಂಡಿದೆ. ಇದಕ್ಕಾಗಿಯೇ 2008 ರ ಸೆಪ್ಟೆಂಬರ್ 12 ರಂದು ಕರ್ನಾಟಕ ವೃತ್ತಿ ತರಬೇತಿ ಮತ್ತು ಕೌಶಲ್ಯ ಅಭಿವೃದ್ಧಿ ನಿಗಮವನ್ನು ಸ್ಥಾಪಿಸಲಾಗಿದೆ. ಹೆಚ್ಚಿನ ಮಾಹಿತಿಗಾಗಿ ಈ ಅಂತರ್ಜಾಲ ತಾಣಗಳನ್ನು ಭೇಟಿ ಮಾಡಬಹುದು:
http://dce.kar.nic.in


Sahayog01.html http://dce.kar.nic.in/
HH_Home.html www.koushalyasiri.in

Monday 8 November, 2010

NDA Examination 2011 - Why not for Women - Article in Prajavani Shikshana Supplement 08 Nov. 2010

 NDA Examination 2011 - Why not for Women
Article in Prajavani Shikshana Supplement 08 Nov. 2010


ಪ್ರಜಾವಾಣಿ » ಶಿಕ್ಷಣ ಪುರವಣಿ



ನ್ಯಾಷನಲ್ ಡಿಫೆನ್ಸ್ ಅಕಾಡೆಮಿ ಸ್ಪರ್ಧಾತ್ಮಕ ಪರೀಕ್ಷೆ

ಹೆಣ್ಣುಮಕ್ಕಳಿಗೆ ಅವಕಾಶ ಏಕಿಲ್ಲ?

ಸುಧಾ ಆರ್



2011 ರ ಏಪ್ರಿಲ್ 18ರಂದು ನಡೆಯುವ ಎನ್‌ಡಿಎ (ಫಸ್ಟ್ ಸೆಷನ್) ಪರೀಕ್ಷೆಗೆ ಅರ್ಜಿ ಸಲ್ಲಿಸಲು ಇದೇ 15 ನವೆಂಬರ್ 2010 ಕೊನೇ ದಿನ ಆಗಿದ್ದು ಕರ್ನಾಟಕದಲ್ಲಿ ಪರೀಕ್ಷಾ ಕೇಂದ್ರಗಳು ಬೆಂಗಳೂರು ಮತ್ತು ಧಾರವಾಡ ಆಗಿವೆ. ಆದರೆ ಹೆಣ್ಣುಮಕ್ಕಳಿಗೆ ಎನ್‌ಡಿಎದಲ್ಲಿ ಪ್ರವೇಶಾವಕಾಶವಿಲ್ಲ.


ಭಾರತದ ರಾಷ್ಟ್ರಪತಿ, ಲೋಕಸಭೆಯ ಸ್ಪೀಕರ್, ಸಂಸತ್ತಿನ ವಿರೋಧಪಕ್ಷದ ನಾಯಕರು, ಕೇಂದ್ರ ಸರ್ಕಾರದ ಸಮನ್ವಯ ಸಮಿತಿಯ ನೇತಾರರು ಎಲ್ಲರೂ ಮಹಿಳೆಯರೇ ಆಗಿರುವ ಈ ಸುಸಂದರ್ಭದಲ್ಲಿ ಮಹಿಳೆಯರಿಗೆ ಕೆಲವು ಸೇವೆಗಳಲ್ಲಿ, ಉದ್ಯೋಗಗಳಲ್ಲಿ ಅವಕಾಶ ನೀಡದೇ ವಂಚಿಸುತ್ತಿರುವುದು ಎಷ್ಟು ಸಮರ್ಥನೀಯ?

ಮಹಿಳಾ ಮೀಸಲು ಮಸೂದೆ ಜಾರಿ ಆದಲ್ಲಿ ಶೇ. 33ರಷ್ಟು ಮಹಿಳೆಯರು ರಾಜಕೀಯ  ಪ್ರವೇಶಿಸಲು ಸಿದ್ಧವಿರುವಾಗ ಸೇನಾಪಡೆಗಳ ಆರಂಭದ ಮೆಟ್ಟಿಲು ಎನ್.ಡಿ.ಎ.ದಲ್ಲಿ ಮಹಿಳೆಯರಿಗೆ ಅವಕಾಶವಿಲ್ಲ. ಹೆಣ್ಣುಮಕ್ಕಳಿಗಾಗಿ ಪ್ರತ್ಯೇಕ ಎನ್‌ಡಿಎ ಕೂಡ ಇಲ್ಲ. 

 2011 ರ ಏಪ್ರಿಲ್ 18ರಂದು ನಡೆಯುವ ಎನ್‌ಡಿಎ (ಫಸ್ಟ್ ಸೆಷನ್) ಪರೀಕ್ಷೆಗೆ ಅರ್ಜಿ ಸಲ್ಲಿಸಲು ಇದೇ 15 ನವೆಂಬರ್ 2010 ಕೊನೇ ದಿನ ಆಗಿದ್ದು ಕರ್ನಾಟಕದಲ್ಲಿ ಪರೀಕ್ಷಾ ಕೇಂದ್ರಗಳು ಬೆಂಗಳೂರು ಮತ್ತು ಧಾರವಾಡ ಆಗಿವೆ.


12ನೇ ತರಗತಿ / ದ್ವಿತೀಯ ಪಿ.ಯು.ಸಿ. ಅಥವಾ ತತ್ಸಮಾನ ವಿದ್ಯಾರ್ಹತೆ ಹೊಂದಿರುವ, 16 1/2 ಯಿಂದ 19 ವರ್ಷ ವಯೋಮಿತಿಯೊಳಗಿರುವ (1993 ರ ಜನವರಿ 2ರಿಂದ ಈಚೆಗೆ 1995 ರ ಜುಲೈ1ಕ್ಕಿಂತ ಮೊದಲು ಜನಿಸಿರುವ) ಅವಿವಾಹಿತ ಯುವಕರು ಮಾತ್ರ ಎನ್.ಡಿ.ಎ. ಪರೀಕ್ಷೆ ತೆಗೆದುಕೊಳ್ಳಲು ಅರ್ಹರು. ಹೆಣ್ಣುಮಕ್ಕಳಿಗೆ ಎನ್.ಡಿ.ಎ.ದಲ್ಲಿ ಪ್ರವೇಶಾವಕಾಶವಿಲ್ಲ.  2011 ರಲ್ಲಿ 12ನೇ ತರಗತಿ / ದ್ವಿತೀಯ ಪಿ.ಯು.ಸಿ. ಪರೀಕ್ಷೆಗೆ ಹಾಜರಾಗುವ ಅಭ್ಯರ್ಥಿಗಳು ಅರ್ಜಿಸಲ್ಲಿಸಬಹುದು.  

ನೌಕಾ ಸೇನೆ ಮತ್ತು ವಾಯುಸೇನೆ ವಿಭಾಗಕ್ಕೆ ಸೇರ್ಪಡೆಗೊಳ್ಳಲು 12ನೇ ತರಗತಿ, ದ್ವಿತೀಯ ಪಿ.ಯು.ಸಿ.ಯಲ್ಲಿ ಗಣಿತ ಮತ್ತು ಭೌತಶಾಸ್ತ್ರ ಪತ್ರಿಕೆಗಳನ್ನು ಕಡ್ಡಾಯವಾಗಿ ಕಲಿತಿರಬೇಕು. ಭೂಸೇನಾ ವಿಭಾಗಕ್ಕೆ ಸೇರಲು ಕಲೆ, ವಿಜ್ಞಾನ, ವಾಣಿಜ್ಯ, ತಾಂತ್ರಿಕ ಇತ್ಯಾದಿ ಯಾವುದೇ ವಿಷಯ ಓದಿರಬಹುದು.

ನ್ಯಾಷನಲ್ ಡಿಫೆನ್ಸ್ ಅಕಾಡೆಮಿ / ನೇವಲ್ ಅಕಾಡೆಮಿಗೆ ಆಯ್ಕೆಯಾಗಲು ಕೇಂದ್ರ ಲೋಕಸೇವಾ ಆಯೋಗ ನಡೆಸುವ ಪ್ರವೇಶ ಪರೀಕ್ಷೆ, ಸರ್ವೀಸ್ ಸೆಲೆಕ್ಷನ್ ಬೋರ್ಡ್ ನಡೆಸುವ ಬೌದ್ಧಿಕ ಹಾಗೂ ವ್ಯಕ್ತಿತ್ವ ಪರೀಕ್ಷೆ ಹಾಗೂ ಸರ್ವೀಸ್ ಮೆಡಿಕಲ್ ಬೋರ್ಡ್ ನಡೆಸುವ ವೈದ್ಯಕೀಯ ಪರೀಕ್ಷೆಗಳಲ್ಲಿ ತೇರ್ಗಡೆಯಾಗುವವರನ್ನು ಎನ್.ಡಿ.ಎ.ಗೆ ಆಯ್ಕೆ ಮಾಡಿಕೊಳ್ಳಲಾಗುವುದು.

ಎನ್.ಡಿ.ಎ. ಪರೀಕ್ಷೆಯ ಮೊದಲ ಹಂತ - ಲಿಖಿತ ಪರೀಕ್ಷೆಗೆ ನಿಗದಿಗೊಳಿಸಿರುವ ಪತ್ರಿಕೆಗಳು ಹೀಗಿವೆ:
ಇಂಗ್ಲಿಷ್ ಮಾಧ್ಯಮದಲ್ಲಿ ನಡೆಯುವ ಈ ಪರೀಕ್ಷೆಯ ಕಡ್ಡಾಯ ಗಣಿತ ಪತ್ರಿಕೆಯಲ್ಲಿ ಈ ಕೆಲವು ವಿಷಯಗಳು ಸೇರ್ಪಡೆಯಾಗಿರುತ್ತವೆ:
Paper I - Mathematics : (Maximum Marks 300)
Arithmetic, Mensuration, Algebra, Geometry, Trigonometry, Statistics.

ಸಾಮಾನ್ಯ ಸಾಮರ್ಥ್ಯ ಪತ್ರಿಕೆಯಲ್ಲಿ ಎರಡು ಭಾಗಗಳಿದ್ದು ಅವುಗಳಿಗೆ ನಿಗದಿಗೊಳಿಸಿರುವ ವಿಷಯಗಳು ಹೀಗಿವೆ:
Paper II -  General Ability
Part A -  English (Maximum Marks 200)
Part B -  General Knowledge (Maximum Marks 400)    Section A (Physics)    Section B (Chemistry)    Section C (General Science)   Section D (History, Freedom Movement etc) 
Section E (Geography) 
Section F (Current Event)

ವಿಶೇಷ ಸೂಚನೆ : ಪ್ರತಿಯೊಂದು ತಪ್ಪು ಉತ್ತರಕ್ಕೆ ಒಂದು ಅಂಕ ಕಳೆಯುವ (ನೆಗಟಿವ್ ಮಾರ್ಕಿಂಗ್) ಪದ್ಧತಿ ಇದೆ.  

ಪ್ರವೇಶ ಹೇಗೆ?
ಕೇಂದ್ರ ಲೋಕಸೇವಾ ಆಯೋಗದ ವೆಬ್‌ಸೈಟ್‌ನಲ್ಲಿ (http://www.upsconline.nic.in ) ನೀಡಿರುವ ಆನ್‌ಲೈನ್ ಅಪ್ಲಿಕೇಷನ್ ತುಂಬಿ ಭಾವಚಿತ್ರ ಮತ್ತು ಹಸ್ತಾಕ್ಷರದ ಇಮೇಜ್ ಲಗತ್ತಿಸಿ ಸಲ್ಲಿಸಬೇಕು. ಆನ್‌ಲೈನ್ ಅರ್ಜಿ ಸಲ್ಲಿಸುವವರಿಗಾಗಿ ರಿಯಾಯಿತಿ ಶುಲ್ಕ ರೂ. 25/- ಇದ್ದು ಅದನ್ನು ವೀಸಾ / ಮಾಸ್ಟರ್ ಕ್ರೆಡಿಟ್ ಅಥವಾ ಡೆಬಿಟ್ ಕಾರ್ಡ್ ಇಲ್ಲವೇ ಸ್ಟೇಟ್‌ಬ್ಯಾಂಕ್ ಆಫ್ ಇಂಡಿಯಾ ಆನ್‌ಲೈನ್ ಪಾವತಿ ಮೂಲಕವೂ ಸಲ್ಲಿಸಲು ಅವಕಾಶವಿದೆ. 

ದೇಶದ ಎಲ್ಲ ಜಿಲ್ಲೆಗಳ ಪ್ರಮುಖ ಅಂಚೆ ಕಛೇರಿಗಳಲ್ಲಿ ಲೋಕಸೇವಾ ಆಯೋಗದ ಸಾಮಾನ್ಯ ಅರ್ಜಿ ನಮೂನೆ ಲಭ್ಯವಿದ್ದು ರೂ.20 ಪಾವತಿಸಿ ಪಡೆದುಕೊಂಡು, ತುಂಬಿಸಿ ಅದಕ್ಕೆ ರೂ.50ಮೊತ್ತವನ್ನು ಕೇಂದ್ರೀಯ ನೇಮಕಾತಿ ಅರ್ಜಿ ಸ್ಟ್ಯಾಂಪ್ (ಸೆಂಟ್ರಲ್ ರೆಕ್ರೂಟ್‌ಮೆಂಟ್ ಫೀ ಸ್ಟಾಂಪ್) ರೂಪದಲ್ಲಿ ಪರೀಕ್ಷಾ ಶುಲ್ಕ ತುಂಬಬೇಕಿರುತ್ತದೆ. ಇತರೆ ಯಾವುದೇ ರೂಪದಲ್ಲಿ ಅರ್ಜಿಶುಲ್ಕ ಸಲ್ಲಿಸುವಂತಿಲ್ಲ.  ಅರ್ಜಿ ಸಲ್ಲಿಸುವ ವಿಳಾಸ : Secretary, Union Public Service Commission, Dholpur, House, New Delhi-110 011 ವಿಳಾಸಕ್ಕೆ ಕಳಿಸಿಕೊಡಬೇಕು. 

ನ್ಯಾಷನಲ್ ಡಿಫೆನ್ಸ್ ಅಕಾಡೆಮಿಯ ಪ್ರವೇಶ ಪ್ರಕ್ರಿಯೆ ಮತ್ತು ಎನ್.ಡಿ.ಎ. ಸೇರ್ಪಡೆಯ ಸೂಚನಾ ಪುಸ್ತಿಕೆಗಾಗಿ ಈ ಅಂತರಜಾಲತಾಣಗಳನ್ನು ಭೇಟಿ ಮಾಡಬಹುದು:
http://upsc.gov.in , http://nda.nic.in 

Monday 1 November, 2010

New Syllabus for Civil Services 2011 - How to Prepare for IAS Exams - Article in Prajavani Shikshana 01 Nov 2010


New Syllabus for Civil Services 2011 - How to Prepare for IAS Exams
Article in Prajavani Shikshana 01 Nov 2010
ಪ್ರಜಾವಾಣಿ » ಶಿಕ್ಷಣ ಪುರವಣಿ



ಐಎಎಸ್ ಬದಲಾದ ಪಠ್ಯಕ್ರಮ

ಸುಧಾ ಆರ್



ಬಂದಿದೆ! ಬಂದಿದೆ!! 2011 ರ ಐ.ಎ.ಎಸ್. ಪೂರ್ವಭಾವಿ ಪರೀಕ್ಷೆಗೆ ಹೊಸ ಮಾದರಿ ಪ್ರಶ್ನೆಪತ್ರಿಕೆ ಹಾಗೂ ಓದಬೇಕಾದ ಪಠ್ಯಗಳ ರೂಪುರೇಷೆ ಈಗ ಪ್ರಕಟವಾಗಿವೆ !!!

ಬಹು ನಿರೀಕ್ಷಿತ ಬದಲಾವಣೆ ಇದೀಗ ಬಂದಿದೆ! 2011ರ ಮೇ ತಿಂಗಳಲ್ಲಿ ಕೇಂದ್ರ ಲೋಕಸೇವಾ ಆಯೋಗ ನಡೆಸುವ ನಾಗರಿಕ ಸೇವಾ ಪರೀಕ್ಷೆಗಳ ಪೂರ್ವಭಾವಿ ಪರೀಕ್ಷೆಯ ಪ್ರಶ್ನೆಪತ್ರಿಕೆಗಳ ಬದಲಾದ ರೂಪುರೇಷೆ ಬಂದಿದೆ! ಕಳೆದ ಅಕ್ಟೋಬರ್ 18ರಂದು  ಕೇಂದ್ರ ಸರ್ಕಾರದ ಸಿಬ್ಬಂದಿ, ಮತ್ತು ತರಬೇತಿ ಇಲಾಖೆಯು ಹೊರಡಿಸಿರುವ ಆದೇಶದನ್ವಯ (ಆದೇಶ ಸಂಖ್ಯೆ:13018/4/2008ಎಐಎಸ್-1) ಕೇಂದ್ರ ಲೋಕಸೇವಾ ಆಯೋಗದ ಪೂರ್ವಭಾವಿ ಪರೀಕ್ಷೆ 2011ರ ನಿಗದಿಪಡಿಸಲಾಗಿರುವ ಪಠ್ಯಕ್ರಮದ ವಿವರ ಹೀಗಿದೆ:
ಪತ್ರಿಕೆ 1
 ಸಾಮಾನ್ಯ ಜ್ಞಾನ - 200 ಅಂಕಗಳು - ಅವಧಿ ಎರಡುಗಂಟೆ
1 ಪ್ರಸ್ತುತ ವಿದ್ಯಮಾನ - ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಮಹತ್ವದ ಸಂಗತಿಗಳು
2  ಭಾರತದ ಇತಿಹಾಸ ಮತ್ತು ಭಾರತೀಯ ಸ್ವಾತಂತ್ರ್ಯ ಸಂಗ್ರಾಮ
3 ಭಾರತ ಮತ್ತು ಪ್ರಪಂಚದ ಭೂಗೋಳ - ಭೌಗೋಳಿಕ, ಸಾಮಾಜಿಕ, ಆರ್ಥಿಕ ಅಂಶಗಳು 
4 ಭಾರತದ ರಾಜಕೀಯ ವ್ಯವಸ್ಥೆ ಮತ್ತು ಆಡಳಿತ ವ್ಯವಸ್ಥೆ - ಸಂವಿಧಾನ, ರಾಜಕೀಯ ಪದ್ಧತಿ,ಪಂಚಾಯತ್ ರಾಜ್, ಸಾರ್ವಜನಿಕ ಯೋಜನೆಗಳು, ಹಕ್ಕುಗಳು, ಪ್ರಚಲಿತ ಸಂಗತಿಗಳು ಇತ್ಯಾದಿ.
5 ಆರ್ಥಿಕ ಮತ್ತು ಸಾಮಾಜಿಕ ಅಭಿವೃದ್ಧಿ - ಸುಸ್ಥಿರ ಅಭಿವೃದ್ಧಿ, ಬಡತನ ನಿರ್ಮೂಲನೆ, ಜನಸಂಖ್ಯೆ, ಸಾಮಾಜಿಕ ಕ್ಷೇತ್ರದ ವಿವಿಧ ಯೋಜನೆಗಳು, ಗ್ರಾಮೀಣ ಜನಜೀವನ ಸುಧಾರಣೆಯ ಎಲ್ಲ ಯೋಜನೆಗಳು, ಇತ್ಯಾದಿ.
6 ಪರಿಸರ ಅಧ್ಯಯನ, ಜೀವಿ ಪರಿಸರ, ಜೈವಿಕ ವೈವಿಧ್ಯ, ಹವಾಮಾನ ವೈಪರೀತ್ಯ ಇತ್ಯಾದಿಗಳಿಗೆ ಸಂಬಂಧಿಸಿದ ಸಂಗತಿಗಳು, ಸಮಸ್ಯೆಗಳು ಇತ್ಯಾದಿ.  

 ಸಾಮಾನ್ಯ ವಿಜ್ಞಾನ.

ಪತ್ರಿಕೆ 2
6 ಸಿವಿಲ್ ಸರ್ವೀಸ್ ಆಪ್ಟಿಟ್ಯೂಡ್ - 200 ಅಂಕಗಳು  - ಅವಧಿ ಎರಡು ಗಂಟೆ
7 ಕಾಂಪ್ರಹೆನ್ಷನ್ (ನಿಗದಿಗೊಳಿಸಿದ ಮಾಹಿತಿಯನ್ನು 
ಅರ್ಥೈಸಿಕೊಂಡು ಉತ್ತರಿಸುವುದು)
8 ಸಂವಹನ ಕೌಶಲಗಳು ಮತ್ತು ವ್ಯಕ್ತಿಗತ ಕೌಶಲಗಳು (ಇಂಟರ್‌ಪರ್ಸನಲ್ ಸ್ಕಿಲ್ಸ್)
9 ತಾರ್ಕಿಕ ಆಲೋಚನೆ ಮತ್ತು ತುಲನಾತ್ಮಕ ಸಾಮರ್ಥ್ಯ-  ತೀರ್ಮಾನ ಕೈಗೊಳ್ಳುವಿಕೆ / ನಿರ್ಧಾರ ತೆಗೆದುಕೊಳ್ಳುವ ಸಾಮರ್ಥ್ಯ
10 ಸಾಮಾನ್ಯ ಬೌದ್ಧಿಕ ಸಾಮರ್ಥ್ಯ
11 ಸಂಖ್ಯಾ ಮೂಲಾಂಶಗಳು (ಸಂಖ್ಯೆಗಳು ಮತ್ತು ಅವುಗಳಿಗಿರುವ ಸಂಬಂಧ, ಏರಿಕೆ ಮತ್ತು ಇಳಿಕೆ ಕ್ರಮ ಇತ್ಯಾದಿ), 
12 ದತ್ತಾಂಶ ವಿಶ್ಲೇಷಣೆ (ಚಾರ್ಟ್, ಗ್ರಾಫ್, ಟೇಬಲ್, ದತ್ತಾಂಶ 
   ಇತ್ಯಾದಿ - ಹತ್ತನೇ ತರಗತಿಯ ಮಟ್ಟದ್ದು) 
13 ಇಂಗ್ಲಿಷ್ ಕಾಂಪ್ರೆಹನ್ಷನ್


ಇತ್ತೀಚೆಗೆ ಅಖಿಲ ಭಾರತಮಟ್ಟದಲ್ಲಿ ನಡೆಯುತ್ತಿರುವ ಸ್ಪರ್ಧಾತ್ಮಕ ಪರೀಕ್ಷೆಗಳ (ಕಾಮನ್ ಅಡ್ಮಿಷನ್ ಟೆಸ್ಟ್ - ಕ್ಯಾಟ್) ಮಾದರಿಯಲ್ಲಿ  ಈ ಎರಡನೇ ಪತ್ರಿಕೆ ರಚಿತವಾಗಿದೆ. ಇವುಗಳಿಗೆ ಸಿದ್ಧತೆ ಮಾಡಿಕೊಳ್ಳಲು ಎನ್.ಸಿ.ಇ.ಆರ್.ಟಿ. ಪ್ರಕಟಿಸಿರುವ ಕೇಂದ್ರೀಯ ವಿದ್ಯಾಲಯಗಳ 6 ರಿಂದ 12ನೇ ತರಗತಿವರೆಗಿನ ಪುಸ್ತಕಗಳನ್ನು, ಸರ್ಕಾರದ ಅಧಿಕೃತ ಜಾಲತಾಣಗಳನ್ನು, ಸರ್ಕಾರಿ ಗೆಝೆಟ್ ಮತ್ತು ಮ್ಯಾಗಝಿನ್‌ಗಳನ್ನು, ವಾರ್ಷಿಕ ಪುಸ್ತಕಗಳನ್ನು, ಐಚ್ಛಿಕ ವಿಷಯದ ಪುಸ್ತಕ ಮತ್ತು ನೋಟ್ಸ್ ಓದಬಹುದು.

ಪೂರ್ವಭಾವಿ ಪರೀಕ್ಷೆಯ ಈ ಎರಡು ಪತ್ರಿಕೆಗಳನ್ನು ಬಿಟ್ಟರೆ ಮುಖ್ಯ ಪರೀಕ್ಷೆ ಮತ್ತು ವ್ಯಕ್ತಿತ್ವ ಪರೀಕ್ಷೆಯ (ಸಂದರ್ಶನ) ಪ್ಯಾಟರ್ನ್ ಈಗ ಇರುವಂತೆಯೇ ಮುಂದುವರಿಯಲಿದೆ. ಮುಂದೆ ಅಗತ್ಯ ಬದಲಾವಣೆಗಳನ್ನು ಸೂಚಿಸುವ ಸಾಧ್ಯತೆಗಳೂ ಇವೆ.  ವೆಬ್‌ಸೈಟ್ ವಿಳಾಸ :  www.upscportal.com

Chitradurga Jilla 10ne Kannada Sahitya Sammelana 2010 at Hiriyuru on 3rd and 4th November 2010

http://issuu.com/educationchitradurga/docs/chitradurga_jilla_10_ne_kannada_sahitya_sammelana_


08 Kinder Katha Books for Children (Senior) - Introduction by Bedre Manjunath in Vishwavani 26.02.2023

    08 Kinder Katha Books for Children (Senior) - Introduction by Bedre Manjunath in Vishwavani 26.02.2023 - Thank you Editors, Shashidhara...